Farriinta madashu waa soo afnaqidda dhiganeyaasha iyo qormooyinka ku dabaacan afafka qalaad, si bulshadu ay aqoontaas ula falgasho, dabadeedna loo soo saaro aqoon cusub oo ogaal badan xambaarsan. Iyada oo taas laga duulayo madashu waxa ay turjuntay in ka badan 250 oo maqaal iyo hal buug (Gundhigga Guddoonka Islaamka), haddana waxay u taagan tahay ka shaqaynta mashaariicda tarjumaadda qoraaleed iyo kuwa muuqaaleed.

Sidoo kale, waxa ay si sanadle ah u soo saartaa joornaal aqooneed la daabaco, oo lala degi karo (PDF). Waxaa intaa hareer socda abaabulidda iyo qabashada kulan-aqooneedyo, doodo iyo barnaamijyo dadweyne oo wacyi-dhis ah.